Data eta ordu ofizialak: 2026-11-09 08:57:33
Webgune honek cookie propioak eta hirugarrenenak erabiltzen ditu orrira eginiko bisita kudeatzeko eta zure nabigazioari buruzko informazioa biltzeko, webgunearen trafikoa aztertzeko xedez. Argibide gehiago
Katastroko ondasun baten titulartasun-aldaketa Udalari jakinaraztea; horrek hiri-kontribuzioaren ordainagiriei eragiten die.
Titulartasun-aldaketa honako hauengatik gerta daiteke:
a) Salerosketa
b) Jaraunspena
c) Dohaintza
d) Epai judiziala
Jakinarazpen hau Katastroko titulartasuna aldatzeko ondorioetarako bakarrik egintzat joko da. Hiri Lurren Balio Gehikuntzaren
gaineko Zergari dagozkion zerga-betebeharrak betetzeko legeak eskatzen dituen baldintzak betetzeko, subjektu pasiboak edo
haren ordezkariak dagokion aitorpena aurkeztu beharko du sortzapenaren datatik 2 hilabeteko epean, inter vivos egintzengatik
gertatu denean, eta 6 hilabeteko epean, heriotzagatik gertatzen denean; azken kasu horretan, epea urtebete arte luza daiteke,
subjektu pasiboak eskatuta. Aitorpena ezarritako epeetatik kanpo aurkezteak Nafarroako Tributuei buruzko abenduaren 14ko 13/2000
Foru Lege Orokorraren 52.3 artikuluan aurreikusitako errekarguak ezartzea ekarriko du.
Jakinarazpena titular berriak egin behar du, eta transmititzen duenak ere deklaratu ahal izango du.
Aukera honetaz baliatuta, Eskabide orokor bat bete ahal izango duzu eta Iruñeko Udalaren Erregistro Elektronikora bidaltzeko laguntza jasoko duzu.
Izapide egiteko>Aukera honetaz baliatuta, Eskabide orokor bat betetzeko laguntza jasoko duzu. Ondorio juridikoak izan ditzan, inprimatu behar duzu eta Iruñeko Udaleko Aurrez aurreko Erregistro- bulegoetako batean aurkeztu, eskatutako gainerako agiriekin batera.
Izapide egiteko>Aukera honek behera kargatu daitezkeen agirien atal batera eramanen zaitu. Ondorio juridikoak izan ditzaten, behar dituzun agiriak inprimatu, bete eta aurkeztu beharko dituzu Zergadunendako Laguntza Bulegoan edo Iruñeko Udaleko Aurrez Aurreko Harrera Bulegoetako edozeinetan, eskatutako gainerako agiriekin batera.
Eskabide-orria behera kargatu>Bulego hauetako batera joan aurretik, hitzordua eskatu behar da Interneten
Eskatu hitzordua>Doan.
1 hilabete, aldaketa eragin duen egitatea gertatu zenetik.
AURKEZTEKO BIDEAK:
Iruñeko Udalaren erregistroak.
Iruñeko Udalaren Egoitza Elektronikoa.
Iruñeko Udalaren Zergadunendako Arreta Bulegoa, aurrez aurre: EZINBESTEKOA DA AURRETIKO HITZORDUA ESKATZEA TELEFONOZ (010
EDO 948-420100) EDO TELEMATIKOKI UDALAREN WEBGUNEAN.
Titulartasun-aldaketa eragiten duen egitatea benetan gertatu izana.
NANa.
Jabetza berria egiaztatzen duen agiria eta fotokopia (agiri pribatua (higiezina ematen den salerosketa-kontratua), salerosketaren
eskritura publikoa, jaraunspena onartzeko agiria, epai judiziala, etab.). Ez dira baliozkotzat jotzen titulartasuna aldatzeko
«erosteko aukerak» (agiriak salerosketa izenburua badu ere), oso ohikoak direnak eskritura publikoak izapidetzen diren bitartean.
Agiri horiek jabearen eta erosteko interesa duenaren arteko itun hutsak dira, ez benetako «salerosketa-agiriak», azken horiek
ondasun higiezina benetan ematea eskatzen baitute.
Eskatzailea titularra ez bada, bere NANaz gain, titularraren NANaren fotokopia edo titularraren baimena aurkeztu beharko du.
Titulartasun-aldaketak aitorpena egiteko betebeharra sortu zen zergaldiaren ondokoan izango du eragina hiri-kontribuzioan
(141. artikulua). Hau da, hurrengo urtean izango du eragina.
TRAMITAZIO-EPEA: berehalakoa.
ADMINISTRAZIO-ISILTASUNA: ez dagokio.
EBAZPENA: ez dagokio.
Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.
Nafarroako Toki Ogasunei buruzko Foru Legea (2/1995 Legea, martxoaren 10ekoa; BON, 36. zk., 95/3/20koa).
12/2006 Foru Legea, azaroaren 21ekoa, Nafarroako Lurralde Aberastasunaren Erregistroari eta Katastroei buruzkoa (BON, 141.
zk., 2006/11/24koa; akats-zuzenketa, BON, 2007/03/23koa).
Iruñeko Udaleko Aldizkako Tributuetako Departamentua (lehen, katastroa)
