Egoitza Elektronikoaren Hasiera
Declaración a efectos de Catastro y comunicación a Plusvalías

Hiri Lurren Balioa Handitzearen gaineko Zerga (Gainbalioa):
AITORPENA - KOMUNIKAZIOA

Zer da?

Hiri Lurren Balio Gehikuntzaren gaineko Zergaren Tributu Aitorpena.
Zerga honek hiri-lursailen balioaren gehikuntza zergapetzen du, gehikuntza hori agertzen delarik dela lursailen jabetza eskualdatzearen ondorioz -hori edozein motatakoa izanik ere (salerosketa, dohaintza, herentzia eta abar)-, dela jabaria mugatzen duten lursail horien gaineko gozamen-eskubide errealak eratu edo eskualdatzearen poderioz.

Nork egiten ahal du izapidea?

AITORPENA EGITERA BEHARTUA - AITORTZAILEA

Kosturik gabeko eskualdaketetan, ESKURATZAILEAK egin behar du aitorpena eta ordaindu behar du zerga, zergaren subjektu pasibo gisa.

Kostu bidezko eskualdaketetan, 2017/01/01aren ondorengo eskualdaketei dagokienez, Nafarroako Toki Ogasunei buruzko 2/1995 Foru Legea aldatzen duen 29/2016 Foru Legea indarrean sartzearen ondorioz, ESKUALDATZAILEAK egin behar du aitorpena eta ordaindu behar du zerga, subjektu pasibo zergadun gisa. Hala ere, eskualdatzailea Espainian bizi ez den pertsona fisiko bat denean, eskuratzailea zergadunaren ordezko izango da, eta, beraz, zerga ordaindu beharko du. Hipoteka-zordunek egindako eskualdaketetan (prozedura judizialetan, judizioz kanpoko salmentetan, ordainean ematen denetan eta finantza-erakunde hartzekodunen, higiezinen filialen edo aktiboak kudeatzen dituzten sozietateen aldeko gainerako eskualdaketetan), ohiko etxebizitza eskualdatzen bada, betiere titulartasunean duen etxebizitza bakarra bada, eta konkurtso-prozedura baten barruan hipoteka-betearazpenetik eratorritako ohiko etxebizitza ez diren beste ondasun batzuen eskualdaketetan, eskuratzen duen entitate edo pertsona zergadunaren ordezkotzat hartuko da, eta aitorpena egin eta zerga ordaindu beharko ditu.
2016/12/31ra arte egindako eskualdaketetan, ESKURATZAILEAK aurkeztu behar du aitorpena eta ordaindu behar du zerga, zergadunaren ordezko gisa (salbu eskuratzaileak salbuespen subjektiboa badu; kasu horretan, eskualdatzaileak).

Zerga-aitorpena aurkezten den unean ZERGAPEAN EZ EGOTEAREN BEHIN-BEHINEKO AITORPENA eskatu ahal izango du aitortzaileak; horretarako, lurraren balioaren gehikuntzarik ez dagoela egiaztatu beharko da, dagozkion agiriak aurkeztuz. Ondoren egiten den egiaztapen administratiboak zergapetzea ekarriko du, baldin eta balio-gehikuntza dagoela ondorioztatzen bada, edo ordaindutakoa itzultzea, balio-gehikuntzarik ez dagoela egiaztatu eta likidazioa eginda badago, betiere Udalak zerga-zorra zehazteko duen eskubidea edo zergadunek bidegabeko diru-sarrerak itzultzeko duten eskubidea preskribatu ez bada.

JAKINARAZTERA BEHARTUA - JAKINARAZLEA

Dohaintza-emaileak, dohaintzetan, eta eskuratzaileak, kostu bidezko eskualdaketetan, beti jakinarazi beharko diote Udalari higiezinen eskualdaketa, zerga ordaintzera behartuta egon ez arren.

Nola egiten da izapidea?

ON LINE

Sinadura elektronikoa edo Cl@verekin bideratu

Izapide egiteko>

PRESENTZIALA

Aurretiko hitzordua

Bulego honetara joan aurretik, hitzordua eskatu behar da Interneten

Eskatu hitzordua>

Iruñeko Udalaren Zergadunendako Arreta Bulegoa

Eskatzeko baldintzak

AURKEZTEKO BIDEAK:
Iruñeko Udalaren Zergadunendako Arreta Bulegoa, aurrez aurre: EZINBESTEKOA DA AURRETIKO HITZORDUA ESKATZEA TELEFONOZ (010 EDO 948-420100) EDO TELEMATIKOKI UDALAREN WEBGUNEAN.
Iruñeko Udalaren Egoitza Elektronikoa.

Subjektu pasiboak edo haren ordezkariak aurkeztuko du aitorpena 2 hilabeteko epean sortzapenaren egunetik hasita, inter vivos egintzen ondorioz gertatu denean, eta heriotzatik 6 hilabeteko epean, heriotza baten ondorioz gertatzen denean; kasu horretan, epea urtebete arte luzatu ahal izango da, subjektu pasiboak eskatuta.

Aitorpena ezarritako epeetatik kanpo aurkezteak Nafarroako Tributuei buruzko abenduaren 14ko 13/2000 Foru Lege Orokorraren 52.3 artikuluan aurreikusitako errekarguak ezartzea ekarriko du.

Zerga-aitorpena aurkezten den unean ZERGAPEAN EZ EGOTEAREN BEHIN-BEHINEKO AITORPENA eskatu ahal izango du aitortzaileak; horretarako, lurraren balioaren gehikuntzarik ez dagoela egiaztatu beharko da, hurrengo apartatuan zehaztutako agiriak aurkeztuz.

Aitortzaileak eskatu ahal izango du, halaber, zerga-oinarria lurra eskuratu eta eskualdatzeko benetako balioen arteko diferentziaren bidez zehaztea, diferentzia hori legeak aurreikusitako formularen arabera kalkulatutako zerga-oinarria baino txikiagoa dela egiaztatutakoan, LFHLNren 175.7 artikuluarekin bat. Aurkeztu beharreko agiriak aurreko paragrafoan adierazitako berak izango dira.

Aurkeztu beharreko agiriak

Horretarako ezarritako inprimakia, aitortzaile edo jakinarazle den adierazita. (*)

Zergapetzea eragiten duen egintza, egitatea edo kontratua jasotzen duen jatorrizko agiria (eskritura publikoa, kontratu pribatua, agiri judiziala eta, mortis causa eskualdaketetan, jaraunspena onartzeko eskritura edo, hala badagokio, jaraunspena onartzeko agiri pribatua, testamentuarekin eta haren fotokopiarekin batera, azken nahien adierazpenaren edo jaraunsleen adierazpen judizialaren kopia eta heriotza-ziurtagiria).

Aitorpena egitera behartuta dagoenaren NANa. Aitorpena egitera datorrena behartua ez bada, bere NANa eta behartuaren NANaren edo IFKaren fotokopia aurkeztu behar ditu, edo behartuak ordezkariari baimena emateko agiria.

(*) AITORTZAILEAK (kostu bidezko eskualdaketetako eskualdatzaileek, 2017/01/01etik aurrera; kostu bidezko eskualdaketetako eskuratzaileek, 2016/12/31ra arte; kosturik gabeko eskuratzaileek, ...), ZERGAPEAN EZ EGOTEAREN BEHIN-BEHINEKO AITORPENA eskatu ahal izango du zerga-aitorpena aurkeztearekin batera, aitorpen-inprimakian horretarako aurreikusitako laukia markatuta eta, gainera, zergapean ez egotearen aitorpena eskatzen den ondasunen eskuratze-datako benetako balioa egiaztatzen duten agiriak erantsita.
Eskuratzea KOSTU BIDEZKOA izan bada, higiezina eskuratu izana dokumentatzen duen titulua (eskritura publikoa) aurkeztu beharko du, zergapean egondako azken eskualdaketari dagokiona. Eskuratzea KOSTURIK GABEKOA izan bada (jaraunspenak, dohaintzak...), eskuratzaileak oinordetzen edo dohaintzen gaineko zergaren ondorioetarako aitorpena aurkeztu beharko du, jaraunspena edo dohaintza zergapean egon bazen. Bestela, zergapean egondako azken eskualdaketaren eskuratze-titulua edo oinordetzen gaineko zergaren ondorioetarako aitorpena aurkeztu beharko du. Kosturik gabe eskuratu duenak lurraren egungo benetako balioa egiaztatu beharko du oinordetzen edo dohaintzen gaineko zergaren ondorioetarako aitorpenaren bidez. Nolanahi ere, balioa egiaztatu aurretik egindako zergapean ez egotearen behin-behineko aitorpena gero egiaztatuko da; beraz, balio-gehikuntza frogatzen bada, lurraren eskualdaketa zergapean geratuko da eta dagokion zerga-likidazioa egingo da.

Aitorpen telematikoan, aurreko agiriak PDF formatuan eskaneatuta aurkeztuko dira.

Argibide gehiago

Zergatik salbuetsita egongo dira, besteak beste, ezkontideek ezkontza-sozietateari egindako ondasunen ekarpenak, eta herentzia, legatu, dote, dohaintza edo beste edozein doako gainerako tituluren bidezko ondasun-mota guztien eskualdaketak, aurrekoen, ondorengoen eta ezkontideen artean egiten badira.

Babes ofizialeko etxebizitzek gainbalioa ordaintzen dute, etxebizitza libreek bezala.

Udalaren webgunean adierazpen telematikoa egiteko, beharrezkoa da sinadura elektronikoa izatea. Hauek prozedura telematikoa erabili behar dute: pertsona juridikoak, nortasun juridikorik gabeko erakundeak, nahitaez kolegiatu beharra duten jarduera profesionaletan ari direnak, hartu-emanak nahitaez elektronikoki egin behar dituzten interesdunen ordezkariak. Aitorpen telematikoetan, likidazioaren jakinarazpena era telematikoan egingo da aitorpena aurkezten duenaren herritar karpetan. Aitorpen presentzialetan, aurkeztutako agiriak eta onartutako likidazioa jaso egin beharko ditu interesdunak, aitorpena egiteko unean adieraziko zaion egunean.

Ordainketa likidazioaren jakinarazpenean adierazten diren epean eta moduan egingo da, eta, epe hori igaro ondoren, premiamendu bidez bilduko da.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.

Araudia

2026ko 4. ordenantza fiskala, Hiri Lurren Balio Gehikuntzaren gaineko Zerga arautzen duena.

2/1995 Foru Legea, martxoaren 10ekoa, Nafarroako Toki Ogasunei buruzkoa (172-177 artikuluak), abenduaren 28ko 29/2016 Foru Legeak eta 2017ko abenduaren 30eko 19/2017 Foru Legeak egindako aldaketekin.