Iruñeko Udalaren Lurraren Kontribuzioaren gaineko Zergaren hobaria

Zer da?

Lurraren Kontribuzioaren gaineko zergaren kuotan gehienez 90 %ko hobaria aplikatuko da, errenta-tarteen arabera, familia ugariko, guraso bakarreko familiako edo gurasobakartasun-egoerako subjektu pasiboen ohiko bizilekua den etxebizitzaren kasuan, edo kotizazio gabeko pentsioak, Errenta Bermatua edo Bizitzeko Gutxieneko Diru-sarrera jasotzen dituztenen kasuan.

Hobaria eskatu egin behar da, eta subjektu pasiboaren higiezin bakar bati bakarrik aplikatuko zaio; ematen den ekitaldirako bakarrik balioko du eta etxebizitzaren hiri-unitateari bakarrik aplikatuko zaio.

ESKATZEKO EPEA: ERAGINA IZAN BEHAR DUEN ZERGALDIKO URTARRILAREN 1ETIK URTARRILAREN 31RA.

Nola egiten da izapidea?

ON LINE

Sinadura elektronikoa edo Cl@verekin bideratu

Izapide egiteko>

PRESENTZIALA

Aurretiko hitzordua

Bulego hauetako batera joan aurretik, hitzordua eskatu behar da Interneten

Eskatu hitzordua>

Eskatzeko baldintzak

AURKEZTEKO BIDEAK:
TELEMATIKOKI: BERARIAZKO IZAPIDEA UDALAREN WEBGUNEAN.
Iruñeko Udalaren Egoitza Elektronikoa.
Iruñeko Udalaren erregistroak.
Iruñeko Udalaren Zergadunendako Arreta Bulegoa: EZINBESTEKOA DA AURRETIKO HITZORDUA ESKATZEA TELEFONOZ (010 EDO 948-420100) EDO TELEMATIKOKI UDALAREN WEBGUNEAN.

Eskakizunak

Hobaria emateko ezarritako baldintza guztiak zergaren sortzapen-datan bete behar dira (urtarrilaren 1ean).

1- Hobaria eskatzen den etxebizitzan erroldatuta egotea.
2- Higiezin osoaren edo ehuneko baten jabe izatea.
3- Iruñeko Udalarekiko ordainketak egunean izatea.
4- Subjektu pasiboaren errenta guztiek, salbuetsitakoak kenduta, lanbide arteko gutxieneko soldataren halako lau ez gainditzea.

Familia-unitatearen errenta kalkulatzeko erreferentziatzat hartzen den diru-sarreren zinpeko aitorpenaren edo PFEZaren ekitaldian indarrean dagoena izango da lanbide arteko gutxieneko soldata.

HOBARI-TARTEAK
FAMILIA-ERRENTA:
Lanbide arteko gutxieneko soldata (LGS) baino gutxiago: 90%ko hobaria.
LGSren halako 1 eta 2 artean: 60%ko hobaria.
LGSren halako 2 eta 3 artean: 20%ko hobaria.
LGSren halako 3 eta 4 artean: 10%ko hobaria.

Aurreko ehunekoak kalkulatzeko, familiaren diru-sarrera gordinak hartuko dira kontuan (PFEZaren aitorpenaren egungo ereduko 507 eta 524 laukiak).

Familia-unitatetzat hartzen da indarreko PFEZaren araudian definitutakoa.

Aurkeztu beharreko agiriak

FAMILIA UGARIEK, GURASO BAKARREKO FAMILIEK EDO GURASOBAKARTASUN-EGOERAN DAUDENEK aurkeztu beharreko agiriak:
Eskabide orokorra.
Administrazio eskudunak emandako ziurtagiri, titulu edo txartel ofiziala, egiaztatzen duena zergaren sortzapen-unean, urtarrilaren 1ean, subjektu pasiboak familia ugariko, guraso bakarreko familiako edo gurasobakartasun-egoerako titular izaera duela.
Familia-unitateko kide guztien azken PFEZ-aitorpenaren fotokopia.
1 - Edo Foru Ogasunaren ziurtagiria, aitorpen hori egin ez dela egiaztatzen duena, aurkeztera behartuta ez badaude.
2 - Edo familiak lortutako diru-sarrera gordinen zinpeko aitorpena, agiri bidez justifikatuta.

KOTIZAZIO GABEKO PENTSIOAK, ERRENTA BERMATUA EDO BIZITZEKO GUTXIENEKO DIRU-SARRERA jasotzen dituztenek aurkeztu beharreko agiriak:
Eskabide orokorra.
Kotizazio gabeko pentsioa, Errenta Bermatua edo Bizitzeko Gutxieneko Diru-sarrera emateko ebazpena.
Familia-unitateko kide guztien azken PFEZ-aitorpenaren fotokopia.
1 - Edo Foru Ogasunaren ziurtagiria, aitorpen hori egin ez dela egiaztatzen duena, aurkeztera behartuta ez badaude.
2 - Edo familiak lortutako diru-sarrera gordinen zinpeko aitorpena, agiri bidez justifikatuta.

Argibide gehiago

TRAMITAZIO-EPEA: berehalakoa.
ADMINISTRAZIO-ISILTASUNA: ez dagokio.
EBAZPENA: badagokio.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.