Egoitza Elektronikoaren Hasiera
Faktura elektronikoa - Iruñeko Udalari bidaltzea

Faktura elektronikoa - Iruñeko Udalari bidaltzea

Zer da?

Faktura bat formatu elektronikoan telematikoki bidaltzea Iruñeko Udalari, udal-alor kudeatzaileek izapidetu dezaten.

Nork egiten ahal du izapidea?

Edozein pertsona fisiko edo juridikok.

Zenbatekoa

Doan.

Eskatzeko baldintzak

AURKEZTEKO BIDEAK:
http://facturae.pamplona.es
http://www.face.gob.es

Eskakizunak

Fakturak Facturae 3.2.1 formatuko «facturae» fitxategi bat izan behar du, eta ziurtagiri digital aitortu batean oinarritutako sinadura elektroniko aurreratuaren bidez sinatuta egon behar du.

«facturae» fitxategiak «xml» edo «xsig» karaktere-katea izan behar du luzapen gisa (informatikan, fitxategi baten luzapena fitxategiaren izenari erantsitako karaktereak dira, eta normalean puntu bat izaten dute aurretik).

Aurkeztu beharreko agiriak

Facturae 3.2.1 formatuko «facturae» fitxategia, elektronikoki sinatua, lehen zehaztutako bideetako batean.

Argibide gehiago

LEGEZKO TRAMITAZIO-EPEA:
Kontratazio-organoek kontratuaren prezioa ordaindu beharko dute hogeita hamar egun naturaleko epean, dagokion faktura edo kontratua osorik edo zati batean gauzatu dela egiaztatzen duen agiri baliokidea beren erregistroan jasotzen dutenetik. Obra-kontratuen kasuan, epe hori obra-ziurtagiriak ematen direnetik zenbatuko da (Kontratu Publikoei buruzko 2/2018 Foru Legearen 155. artikulua).

AURREIKUSITAKO EPEA: gehienez Kontratuei buruzko Foru Legeak ezarritakoa.
ADMINISTRAZIO-ISILTASUNA: ezezkoa.
EBAZPENA: Alkatetza edo zinegotzigo ordezkariak, zenbatekoaren arabera.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.

Araudia

2/1995 FORU LEGEA, MARTXOAREN 10EKOA, NAFARROAKO TOKI OGASUNEI BURUZKOA (BON, 36. zk., 1995eko martxoaren 20koa).
1/2007 FORU LEGEA, otsailaren 14koa, Nafarroako Toki Administrazioari buruzko uztailaren 2ko 6/1990 Foru Legea toki-kontratazioaren arloan aldatzen duena.
2/2018 FORU LEGEA, APIRILAREN 13KOA, KONTRATU PUBLIKOEI BURUZKOA.
PRE/2971/2007 AGINDUA, urriaren 5ekoa, bitarteko elektronikoen bidez fakturak emateari buruzkoa.
25/2013 Legea, abenduaren 27koa, bitarteko elektronikoen bidez fakturak emateari buruzkoa, horien hartzailea Estatuko Administrazio Orokorra edo hari lotutako edo haren mendeko erakunde publikoak direnean.