Zer da?

Cl@ve Estatuko Administrazio Orokor osorako identifikazio-, autentifikazio- eta sinadura elektronikorako sistema komuna da; herritarrei zerbitzu publikoekin harremanak elektronikoki izateko aukera ematen die, aurrez erabiltzaile gisa erregistratuta.
Cl@ven erregistratutakoan, interesdunak Cl@ve PIN eta Cl@ve Iraunkorra identifikazio- eta autentifikazio-sistemetarako sarbidea izango du.

Nork egiten ahal du izapidea?

Pertsona fisikoak.

Zenbatekoa

Doan.

Eskatzeko baldintzak

Ez dago eskaerak aurkezteko eperik.

Cl@ve plataforman alta emateko, interesdunak aldez aurretik bere nortasuna egiaztatu behar du. Espainiarrek indarreko NANa aurkeztuko dute, eta atzerritarrek AIZ bat esleituta izan behar dute eta jatorriko edo etorburuko herrialdeko agintari eskudunek emandako nortasun-agiria aurkeztu.

Adingabe batentzat eskatuz gero:
Adingabearen izenean eskaera egiten duen aitaren, amaren edo legezko tutorearen nortasun-agiria erakustea, aurreko puntuan ezarritakoarekin bat.
Guraso-ahala justifikatzen duen agiria erakustea: familia-liburua, jaiotza-ziurtagiria edo Erregistro Zibilak horretarako emandako agiria, tutorea izendatzeko ebazpen judiziala, etab.
Adingabeari indarreko NANa eskatuko zaio, edo legez ezarritako agiriak, atzerritarra bada.

Eskakizunak

ERREGISTROA ESKATZEKO BEHAR DIREN DATUAK:
Izen-abizenak.
Telefono mugikorraren zenbakia.
Posta elektronikoko helbidea.

Datuak betetakoan, erabilera-baldintzak onartzeko agiria emango da, eta Cl@ve Iraunkorra sistemaren pasahitza lortzeko beharrezko aktibazio-kodea emango da.

Interneteko helbidea

• TRAMITAZIO ELEKTRONIKORAKO LAGUNTZA

Honekin lotutako informazioa

• Iruñeko Udalaren Herritarrendako Arreta Bulegoa (HAB)

Organo kudeatzailea

Iruñeko Udalaren Herritarrendako Arreta Bulegoa (HAB)