Kultur dirulaguntzak eskatzea

Zer da?

Artearekiko kezka adierazten duten eta Iruñeko kulturaren garapenean laguntzen duten ekimenei laguntza ekonomikoak emateko araubidea arautzea, kulturaren edozein adierazpideren bidez.

Nork egiten ahal du izapidea?

Berariazko deialdiaren arabera, honako hauek izan daitezke:
Irabazi-asmorik gabeko entitateak.
Pertsona fisiko edo juridikoak (kulturaren arloko enpresak eta/edo profesionalak).

Nola egiten da izapidea?

PRESENTZIALA

Eskatzeko baldintzak

Eskaerak telematikoki aurkeztu beharko dira, Iruñeko Udalaren Egoitza Elektronikoan argitaratutako «Pertsona juridikoendako dirulaguntzen eskaera elektronikoa» izapidearen bidez, https://www.pamplona.es. (ikus lotutako fitxa).

Administrazio Publikoarekin harremanak elektronikoki izatera behartuta ez dauden pertsonek Iruñeko Udalaren Erregistro Orokorrean edo erregistro osagarrietan aurkeztu ahal izango dituzte eskaerak, edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozeinetan; aurreko paragrafoan deskribatutako izapide telematikoaren bidez ere aurkeztu ahal izango dituzte.

Eskakizunak

Proiektuak eta/edo jarduerak osorik urte naturalean egingo dira (urtarriletik abendura), eta Iruñeko udal-mugartean garatu beharko dira.
Herritar guztiei irekita egon beharko dute (ikus berariazko deialdia).

Aurkeztu beharreko agiriak

Eskaerak eskabide bidez edo PDF eskabide bidez (telematikoki aurkezteko) egin beharko dira, interesdunak edo dirulaguntza eskatzeko behar besteko ordezkaritza duen eta ordezkaritza hori bere erantzukizunpean aitortzen duen pertsonak sinatuta.
Entitate bakoitzak eskaera bakarra aurkeztuko du, eta horrek jardueraren deskribapen-dosierra eta finantzaketa-plana ere jasoko ditu.