Zer da?

Pandemiak herritarren osasun fisikoan eta psikikoan sortzen ari den eragin negatiboa murriztea, eta herritarrei kirola beren kabuz egiteko gomendioak eta baliabideak eskaintzea, beste helburu batzuen artean pertsona sedentarioen kopurua murrizteko.

Nork egiten ahal du izapidea?

Herritar guztiei.

Argibide gehiago

«Minutuak zure kontagailura» programan jarduera fisikoari eta kirolari buruzko proposamenak, gomendioak eta erronkak aurki daitezke, adin-tarteen arabera egituratuta eta Iruñeak dituen baliabideetan oinarrituta. Erabiltzaileek beren ariketa fisikoaren maila autodiagnostikatu dezakete bi galdera errazen bidez, eta, emaitzaren eta pertsona bakoitzaren adin-tartearen arabera, beren errealitatera hobekien egokitzen diren ariketetara sar daitezke. Webguneak proposamenak egiteko tokiaren arabera ere multzokatzen ditu.

«Minutuak zure kontagailura» programak eskaintzen dituen baliabideak «minutosatucontador.pamplona.es» webgunean eta inprimatutako gida txikietan bilduta daude; gida horiek udal-kirol instalazioetan, Civivox zentroetan eta osasun-etxeetan aurki daitezke, besteak beste. Inprimatutako gidek QR kodeak dituzte, proposatutako jarduera egiteko beharrezko baliabideetara sartzeko.

Proiektuak ariketa fisikoa egiteko orientabideak ezartzen ditu hainbat adinetarako: 17 urtera arteko haur eta nerabeentzat; 18 eta 49 urte bitarteko pertsonentzat; 50 eta 69 urte bitartekoentzat, eta 70 urtetik gorakoentzat. Tarte bakoitzean pertsona bakoitzaren baldintza fisikoetara egokitutako jarduerak proposatzen dira. Horretarako, webgunean dagoen maila-testa egitea gomendatzen da.

minutosatucontador.pamplona.es webguneak kontraindikazioen test berri bat du orain; sei galdera errazen bidez, sistemak antzematen du interesdunek medikuntzako profesional batengana jo behar luketen kirola egiteko dituzten mugak ezagutzeko.

Herritarren artean ohikoenak diren mugikorreko aplikazioen eta bideo-joko aktiboen balorazioko bi sailkapen daude; aplikazio horien onurak gehienez 100 punturekin ebaluatzen dira, irizpide profesionalen arabera.

Interneteko helbidea

• https://minutosatucontador.pamplona.es/

Honekin lotutako informazioa

• Iruñeko Udaleko Kulturako, Jaietako eta Kiroleko Alorra - Kirola

Organo kudeatzailea

Iruñeko Udaleko Kulturako, Jaietako eta Kiroleko Alorra - Kirola