Pasar al contenido principal

Egoitza Elektronikoa

Webgune honek cookie propioak eta hirugarrenenak erabiltzen ditu orrira eginiko bisita kudeatzeko eta zure nabigazioari buruzko informazioa biltzeko, webgunearen trafikoa aztertzeko xedez. Argibide gehiago

Mugikortasun urriko pertsonendako ibilgailuak aparkatzeko txartela - Alta edo berritzea

Zer da?

Desgaitasuna duen pertsona bat garraiatzen duen ibilgailua aparkatzeko txartel berezia eskatzea edo berritzea.

Nork egiten ahal du izapidea?

Desplazamenduari edo ikusmenari eragiten dion desgaitasunen bat duen edozein pertsona fisikok.
Autonomia pertsonala sustatzeko eta mendekotasun-egoeran dauden pertsonei arreta emateko gizarte-zerbitzuak ematen dituzten eta desgaitasuna duten pertsonen garraio kolektiborako bakarrik erabiltzen den ibilgailua duten pertsonek ere bai.

Nola egiten da izapidea?

PRESENTZIALA

Eskatzeko baldintzak

Ez dago eskaerak aurkezteko eperik.

Eskakizunak

PERTSONA FISIKOA:
Iruñean erroldatuta egotea.
Desgaitasuna aitortzeko ziurtagiria izatea eta 1056/2014 Errege Dekretuan ezarritako baldintzak betetzea.


GARRAIO KOLEKTIBORAKO IBILGAILUAK:
Iruñeko Jarduera Ekonomikoen gaineko Zergan (IAE) alta emanda egotea.
Egiten den jarduera egiaztatzeko agiriak, desgaitasuna duten pertsonen garraio kolektiborako ibilgailu batendako txartela eskatzen bada.

Aurkeztu beharreko agiriak

ALTA:
Desgaitasun-ziurtagiriaren fotokopia eta jatorrizkoa eta, hala badagokio, 1971/1999 Errege Dekretuaren II. eranskinaren araberako puntuen balorazioa jasotzen duen agiria.
Desgaitasuna duen pertsonaren NANaren fotokopia eta jatorrizkoa.
Desgaitasuna duen pertsonaren karnet-tamainako argazki bat.
Desgaitasuna duten pertsonen garraio kolektiborako ibilgailuendako txartela eskatzen bada, eskatzen duen pertsona fisiko edo juridikoaren agiriak eta jardueraren justifikazioa.

BERRITZEA:
Argazki bat.

BEHIN-BEHINEKO TXARTELA (sei hilabete):
Eskaera-inprimakia, txartelaren titularraren datuekin.
Larritasun handiko gaixotasuna edo patologia egiaztatzen duen mediku-txostena, RD 1056/2014n ezarritakoaren arabera.
Desgaitasun-maila zehazteko balorazioaren zain dagoela eta txartela eskuratzeko baldintzak beteko dituela uste dela egiaztatzen duen mediku-txostena.
Desgaitasuna duen pertsonaren koloretako karnet-tamainako argazkia.

Argibide gehiago

Txartela Herritarren Segurtasuneko Alorrak ematen du, eta Nafarroako Gobernuak inprimatu eta bidaltzen du.

TRAMITAZIO-EPEA: berehalakoa.
ADMINISTRAZIO-ISILTASUNA: ez dagokio.
EBAZPENA: ez dagokio.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.

Araudia

31/2022 Foru Legea, azaroaren 28koa, Nafarroan desgaitasuna duten pertsonei arreta emateari eta haien eskubideak bermatzeari buruzkoa (BON, 250. zk., 2022/12/15ekoa).
52/2022 FORU AGINDUA, martxoaren 7koa, Eskubide Sozialetako kontseilariak emana, Nafarroako Foru Komunitatean desgaitasuna duten pertsonendako aparkatzeko txartela arautzen duena.
Mugikortasunari buruzko Udal Ordenantza (BON, 22. zk., 2019ko otsailaren 1ekoa, eta BON, 52. zk., 2019ko martxoaren 15ekoa).
1056/2014 Errege Dekretua, abenduaren 12koa, desgaitasuna duten pertsonendako aparkatzeko txartela emateko eta erabiltzeko oinarrizko baldintzak arautzen dituena.
888/2022 Errege Dekretua, urriaren 18koa, desgaitasun-maila aitortzeko, deklaratzeko eta kalifikatzeko prozedura ezartzen duena.

Interneteko helbidea

Honekin lotutako informazioa

Organo kudeatzailea

Iruñeko Udaleko Herritarren Segurtasuneko eta Bizikidetzako Alorra

Lotutako agiriak