Pasaportea - Eskaera edo Berritzea

Zer da?

Pasaportea eskuratzea.

Nola egiten da izapidea?

PRESENTZIALA

Espainiako Nortasun Agiria (NAN) eta Pasaporteak Bideratzeko Bulegoa

Zenbatekoa

Galdetu unitate izapidegileari.

Eskatzeko baldintzak

Pasaporte berri bat aurreko pasaportearen indarraldiko azken urtean eskura daiteke. Urtebetetik gorako indarraldia badu, idatziz eskatu eta arrazoia egiaztatu beharko da.
Salbuespenez lehen pasaportea baliogabetu gabe bigarren bat eskuratu behar bada, idatziz eskatu eta arrazoia egiaztatu beharko da halaber.

Eskakizunak

Pasaportea emateko eskatzeko, ezinbestekoa izanen da hura jaso behar duen pertsona bertan egotea.
Adingabeek 2 gurasoekin joan beharko dute (bi badaude); gurasoak bereizita joan daitezke.

Aurkeztu beharreko agiriak

Indarreko NANa.
Berriki egindako argazki bat (koloretan, hondo zuriarekin). Titularrak egun berean eskuratu badu NAN elektronikoa, ez da argazkirik behar.
Aurreko pasaportea, oraindik iraungita ez badago.

Adingabea edo legez ezgaitua bada, gurasoek edo legezko tutoreak lagunduta joanen da, haien NANarekin eta familia-liburuarekin eta, hala badagokio, tutore-izaera legez egiaztatzen duen agiriarekin.
14 urtetik beherakoa bada eta NANik ez badu, hitzez hitzeko jaiotza-agiria ere ekarri beharko du, eta bertan adieraziko da pasaportea eskuratzeko berariaz eman dela, pasaportea banakakoa baita.

18 urtetik beherakoek aitaren eta amaren edo legezko tutorearen idatzizko baimena eraman behar dute (baita legez ezgaituek ere), Pasaporteen Bulegoan agertuta emana. Guraso-ahala edo tutoretza bi pertsonak badute, elkarrekin joan daitezke adingabearekin edo tutoretzapekoarekin pasaportea egiteko taldera, edo bereizita eta une desberdinetan, baimena betetzeko. Era berean, adingabea edo tutoretzapekoa joanen den taldeaz bestelako batean bete daiteke baimena, betiere titularra pasaportea egitera nora joanen den zehazten bada. EZINBESTEKOA da bi ezkontideak pasaportea egiteko bulegora bertaratzea, horretarako gaitutako funtzionario publiko batek baimeneko datuak egiazta ditzan.

Argibide gehiago

Espainiako NAN eta Pasaporteen edozein bulegotan ematen da (nahiz eta herri horretan ez bizi), baita Espainiak atzerrian dituen kontsuletxeetan ere.

Araudia

TRAMITAZIORAKO AURREIKUSITAKO EPEA: pasaportea gehienez 72 orduko legezko epean prestatu eta ematen zaio interesdunari. Gaur egun unean bertan entregatzen ari dira, beste egun batean jasotzera joateko beharrik gabe (aurreko pasaportearen iraungitze-data baino urtebete lehenago eskatzen denean eta bigarren pasaporteak eskatzen direnean izan ezik; berariazko baimena behar dutenez, beste egunen bat atzeratu daitezke).
INDARRALDIA: 2 urte 5 urte baino gutxiagoko haurrentzat, 5 urte 30 urte baino gutxiagokoentzat eta 10 urte 30 urtetik gorakoentzat. Urtebete baino gutxiagoko indarraldia geratzen zaion pasaporte bat ordezkatzeko igortzen bada, pasaporte berriak baliotasun osoa izanen du. Aurreko pasaporteari urtebete baino gehiagoko indarraldia geratzen bazaio, pasaporte berriak baliotasun bera izango du, baimen berezia izan ezean (baimena idatziz eskatu behar da, arrazoiak agiri bidez justifikatuta, NANa Bideratzeko Bulegoan).