Zer da?

Edukiontzien jabe diren enpresen baimen-eskaerak, Iruñeko udalaren mugapean edukiontziak paratzeko.

Nork egiten ahal du izapidea?

Edukiontzien jabe diren enpresak.

Zenbatekoa

Fidantza edo banku-abala.

Aurkeztu beharreko agiriak

Eskaera-inprimakia.
Erantzukizun zibileko aseguruaren ordaindutako ordainagiriaren kopia.
Kontratatutako aseguru-polizaren kopia, honako hauek jasotzen dituena:
1) Arriskuen estalduraren zenbatekoa
2) Aseguruak estaltzen dituen kalteak
Udal Gordailuzaintzan eskudiruzko fidantza edo banku-abala sartu izanaren egiaztagiriaren kopia, Udalak likidatzen dituen kalte, zehapen edo betearazpen subsidiarioei erantzuteko, baita udalbatzari sortzen zaizkion ikuskapen-gastuei eta bestelako gastu guztiei ere.

Agiriak formatu digitalean aurkeztu behar dira.

Administrazio Prozedura Erkidea eta Araubide Juridiko Elektronikoa arautzen dituen Ordenantzaren 42. artikuluaren arabera behartuta daudenek (pertsona juridikoek, nortasun juridikorik gabeko entitateek, profesionalek, besteak beste), erregistro elektronikoaren bidez.

Argibide gehiago

Banku-abalak sinatzen dituzten pertsonek Udalak askietsitako ahalordeak izan behar dituzte.
Ebazpena hartu ondoren, departamentuak interesatuari, Udaltzaingoari eta Ekonomiari jakinaraziko die.
ZERBITZU-EMAILEEN ERREKURTSOAK: Udalak emandako egintza administratiboen aurka, errekurtso hauek aurkez daitezke: Berraztertze-errekurtsoa, Udalari berari zuzendua, egintza jakinarazten denetik hilabeteko epean. Gora jotzeko errekurtsoa, Nafarroako Administrazio Auzitegiari zuzendua, egintza jakinarazten denetik hilabeteko epean. Administrazioarekiko auzi-errekurtsoa, Nafarroako Justizia Auzitegi Nagusiari zuzendua, egintza jakinarazten denetik bi hilabeteko epean.
ZERBITZU-HARTZAILEEN ERREKURTSOAK: Erreklamazioa aurkeztu ahal izango diote Nafarroako Gobernuari edo Kontsumoko Arbitraje Batzordeari, zerbitzu-emailea sistema horri atxikita badago. Halaber, kontsumitzaile-elkarteetara ere jo ahal izango dute.
ZERBITZU-EMAILEENDAKO LAGUNTZA-ELKARTEAK: Zerbitzu-emaileak laguntza eskatu ahal izango die enpresa-erakundeei edo Merkataritza Ganberari

Araudia

Eremu publikoan edukiontziak paratzeari buruzko Ordenantza (2000/09/07ko Osoko Bilkura).
ADMINISTRAZIO-ISILTASUNA: ez dagokio.
EBAZPENA: Alkatetza edo Alorreko Zinegotzigo Ordezkaria.

Honekin lotutako informazioa

• Eremu publikoan edukiontziak instalatzeko baimena duten enpresen zerrenda
• Iruñeko Udaleko Gobernu Estrategikoko, Hirigintzako, Etxebizitzako eta 2030 Agendako Alorra - Hirigintza eta Etxebizitza
• Iruñeko Udaleko Lizentzien Departamentua

Erakunde kudeatzaileak

• Iruñeko Udaleko Lizentzien Departamentua
• Iruñeko Udaleko Gobernu Estrategikoko, Hirigintzako, Etxebizitzako eta 2030 Agendako Alorra - Hirigintza eta Etxebizitza