Egoitza Elektronikoaren Hasiera
Gorpuak Iruñeko Udal Hilerritik Nafarroako edo Nafarroatik kanpoko beste hilerri batera lekualdatzea

Iruñeko udal-hilerritik Nafarroako edo Nafarroatik kanpoko beste hilerri batera lekualdatzea - Hilotza (duela 5 urte baino gutxiago hildakoak)

Zer da?

Hilotz bat udal-hilerritik beste hilerri batera eramatea.

Nork egiten ahal du izapidea?

Hilotzaren eta hilobiaren gainean eskubideak dituen edonork.

Nola egiten da izapidea?

ON LINE

Eskabide-orria behera kargatu

Aukera honen bidez, eskabide-orri ofizial zuria behera kargatuko duzu. Ondorio juridikoak izan ditzan, inprimatu, bete eta Udal Hilerrian aurkeztu behar duzu eskatutako gainerako agiriekin batera.

Eskabide-orria behera kargatu>

PRESENTZIALA

San Jose udal-hilerria

Zenbatekoa

Hilotz bakoitzeko: 61,95 euro (hilobitik ateratzeko gastuak).

Eskatzeko baldintzak

Eskaera urte osoan egin daiteke, baina, osasun-kontuak direla eta, ekainean, uztailean eta abuztuan ez da komeni gorpuzkiak eta hilotzak lekualdatzea.

AURKEZTEKO BIDEAK:
San Jose udal-hilerria.
Iruñeko Udalaren Egoitza Elektronikoa.

Eskakizunak

Nafarroako Gobernuko Osasun Departamentuaren baimena behar da.

Argibide gehiago

Hilotzak lekualdatzeko, ezinbestekoa da beilatoki edo ehorztetxe batekin harremanetan jartzea, haiek egiten baitituzte udal-hilerrian eta Nafarroako Gobernuko Osasun Departamentuan egin beharreko izapideak.
HILOTZ esaten zaio hil zela 5 urte ez badira.
GORPUZKI esaten zaio hil zenetik 5 urte baino gehiago igaro badira.
Hilotzak beste hilerri batera edo errausketa-labe batera bakarrik eraman daitezke.
Hobitik atera eta helmugara heldu bitartean ezin dira 48 ordu baino gehiago igaro.
Lurrean ehortzitako hilotzak ezin dira lekualdatu.
Gorpuzkiak eta hilotzak astelehenetik ostiralera lekualdatzen dira (jaiegunetan izan ezik), 8:00etatik 9:00etara.
Senideei gorpuzkia hobitik zein egunetan eta zer ordutan aterako den jakinarazten zaie, baina ez dute zertan bertaratu.
Hilotza ehortzita dagoen hobiaren gaineko hileta-eskubideak dituen titularraren adostasuna behar da.
Hilotza ehorztetxe batek lekualdatu behar du.

Araudia

LEGEZKO ARAUDIA:
Hileta Osasunari buruzko Erregelamendua onesten duen 297/2001 Foru Dekretua, urriaren 15ekoa (BON, 143. zk.).
Iruñeko San Jose udal-hilerria arautzen duen ordenantza (BON, 74. zk., 2000/06/19koa).
Hilotzen inguruko osasun-xedapenak.
2026ko 14. ordenantza fiskala (II. epigrafea).

TRAMITAZIO-EPEA: eskatzaileak adierazten du zer egunetan nahi duen egitea lekualdatzea, hilobiaren indarraldiaren barruan; ahal den guztietan betetzen da.
ADMINISTRAZIO-ISILTASUNA: ez dagokio.
EBAZPENA: ez dagokio.