Egoitza Elektronikoaren Hasiera
Gorpuzkinak Iruñeko Udal Hilerritik Nafarroatik kanpoko beste hilerri batera lekualdatzea

Iruñeko udal-hilerritik Nafarroatik kanpoko beste hilerri batera lekualdatzea - Gorpuzkiak (duela 5 urtetik gora hilda)

Zer da?

Udal-hilerrian dauden gorpuzkiak Nafarroako Foru Komunitatetik kanpoko beste hilerri batera eramatea.

Nork egiten ahal du izapidea?

Gorpuzkiaren eta hilobiaren gainean eskubideak dituen edonork.

Nola egiten da izapidea?

ON LINE

Eskabide-orria behera kargatu

Aukera honen bidez, eskabide-orri ofizial zuria behera kargatuko duzu. Ondorio juridikoak izan ditzan, inprimatu, bete eta Udal Hilerrian aurkeztu behar duzu eskatutako gainerako agiriekin batera.

Eskabide-orria behera kargatu>

PRESENTZIALA

San Jose udal-hilerria

Zenbatekoa

Gorpuzki bakoitzeko: 49,10 euro, hilobitik ateratzeko gastuengatik.
Udal Gordailuzaintzan ordaindu behar da.

Eskatzeko baldintzak

Eskaera urte osoan egin daiteke, baina, osasun-kontuak direla eta, ekainean, uztailean eta abuztuan ez da komeni gorpuzkiak eta hilotzak lekualdatzea.

AURKEZTEKO BIDEAK:
San Jose udal-hilerria.
Iruñeko Udalaren Egoitza Elektronikoa.

Eskakizunak

Hilotza lurperatu edo ehortzi zenetik gutxienez 5 urte igaro behar dute.
Beharrezkoa da lekualdatu beharreko gorpuzkiak lurperatuta dauden hilobiaren gaineko ehorzketa-eskubidea duen titularraren adostasuna.
Nafarroako Gobernuko Osasun Departamentuari jakinarazi behar zaio, eta heriotza-ziurtagiriaren kopia bat eman.

Aurkeztu beharreko agiriak

Ehorzte-eskubideak dituenari dagokion inprimakia.
Udal Diruzaintzan hilobitik ateratzeko eskubideen zenbatekoa ordaindu izanaren frogagiria.
90 x 30 x 30 cm-ko kaxa iragazgaitz edo iragazgaiztu bat eraman behar da udal-hilerrira (ez da onartzen gorpuzkiendako poltsarik lekualdatzeetarako).
Eskatzaileak hau aurkeztu behar du gorpuzkien helburuko hilerrian:
Nafarroako Gobernuaren osasun-ziurtagiria, zeina Departamentuan eskatzen baita.
Osasun-ziurtagiria eskatzeko, heriotza-ziurtagiria aurkeztu behar da; pertsona hil zen herriko epaitegian edo erregistro zibilean eskatu behar da.

Argibide gehiago

Gorpuzki eta gorpuak astelehenetik ostiralera (jaiegunak izan ezik) lekualdatzen dira, 08:00etatik 09:00etara.
Senideei jakinarazten zaie zer egunetan eta zer ordutan aterako diren hilobitik, baina ez da beharrezkoa senideak han egotea.

Araudia

LEGEZKO ARAUDIA:
Hileta Osasunari buruzko Erregelamendua onesten duen 297/2001 Foru Dekretua, urriaren 15ekoa (BON, 143. zk.).
Iruñeko San Jose udal-hilerria arautzen duen ordenantza (BON, 74. zk., 2000/06/19koa).
Hilotzen inguruko osasun-xedapenak.
2026ko 14. ordenantza fiskala (II. epigrafea).
TRAMITAZIO-EPEA: eskatzaileak adierazten du zer egunetan nahi duen egitea lekualdatzea; ahal den guztietan betetzen da.
ADMINISTRAZIO-ISILTASUNA: ez dagokio.
EBAZPENA: ez dagokio.