Zer da?

Nafarroako Gobernuak Iruñeko etxebizitza eta eraikinak birgaitzeko ematen dituen laguntzen tramitazioa.
Aldi berean, nahitaezko obra-lizentzia izapidetzen da.
JARDUERA BABESGARRIAK - 61/2013 Foru Dekretuko baldintzak betetzen dituzten ohiko bizitokitarako etxebizitzak eta etxebizitza-eraikinak konpontzeko, hobetzeko eta egokitzeko obrak.

Nork egiten ahal du izapidea?

Iruñeko udal-mugartean dauden etxebizitza eta eraikinen jabeak.

Zenbatekoa

Doan.
DIRU-LAGUNTZAREN ZENBATEKOA: kontsulta departamentuan.

Eskatzeko baldintzak

Eskaera beti egin behar da obrak hasi aurretik.

Eskakizunak

Eraikinek 61/2013 Foru Dekretuan egitura- eta funtzio-egokitzapenari buruz eskatutako baldintzak betetzea; eraikuntza-segurtasuneko baldintza nahikoak izatea, baita beste batzuk ere, hala nola euriaren eta hezetasunaren aurkako estankotasuna, isolamendua, ur-, gas-, elektrizitate- eta telefonia-sareak, saneamendua, etab.
Eraikinak 20 urte baino gehiago izatea eta azaleraren 50% baino gehiago etxebizitzetarako erabiltzea.
Etxebizitza berririk ez sortzea (edo daudenak ez handitzea) 120 metro koadrotik gora.
Obraren aurrekontua 2.000 euro/etxebizitzako baino handiagoa izatea.
Obrak hasi gabe egotea eta behin-behineko kalifikazioa jaso eta gehienez 36 hilabeteko epean egitea.

Aurkeztu beharreko agiriak

Eskaera-inprimakia.
Proiektu teknikoa eta aurrekontua.
Laguntzak izapidetzeari dagozkion agiri osagarriak (errenta, etxebizitzaren erregistro-ohar soila, ...).
Hirigintza-lizentzia izapidetzeari dagozkion agiri osagarriak (inprimakiak, likidazioa, ...).

Argibide gehiago

Espediente horiek obra-lizentzia behar dute, dagozkien tasekin (ikusi ordenantza fiskalak).
Gainera, EIOZa aplikatu behar zaie: aurrekontuaren % 5.
Laguntzak eskatzailearen errentaren eta egoera pertsonalen araberakoak dira.

Araudia

LEGEZKO ARAUDIA: 61/2013 Foru Dekretua, irailaren 18koa (BON, 185. zk., 2013/09/25ekoa).
2026ko 9. ordenantza fiskala (I.2, I.3 epigrafeak) eta 3. ordenantza fiskala (eranskina).

LEGEZKO TRAMITAZIO-EPEA: 2 hilabete inguru, agiri guztiak erregistratzen direnetik.
LAGUNTZA ORDAINTZEA: obra egin eta 3 hilabete ingurura.
AURREIKUSITAKO EPEA: hilabete eta erdi, kalifikazio-proposamena Nafarroako Gobernura bidaltzeko.

ADMINISTRAZIO-ISILTASUNA: ezezkoa.
EBAZPENA:
Iruñeko Udaleko Hirigintza Alorreko zinegotzi ordezkariak ematen du lizentzia.
Nafarroako Gobernuko Etxebizitza Zerbitzuak ematen du dirulaguntza.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.

Honekin lotutako informazioa

• Iruñeko Udaleko Hirigintza eta Etxebizitza Alorreko Hiria Birgaitzeko Bulegoa (EEZB)

Organo kudeatzailea

Iruñeko Udaleko Hirigintza eta Etxebizitza Alorreko Hiria Birgaitzeko Bulegoa (EEZB)

Lotutako agiriak

• Documento informativo 2026 (525,67 Kb)