Zer da?

Atzerritarrek edo atzerritarren seme-alabek bizilekua dela-eta espainiar herritartasuna eskatzea bizi diren lekuko Erregistro Zibilean.

Nork egiten ahal du izapidea?

Legezko bizileku-baimenarekin Espainian bizi izan diren atzerritar interesdunak edo judizialki aldatutako gaitasuna duten pertsonen legezko ordezkaria.
Adinez nagusiak edo emantzipatuak diren atzerritarrak.
14 urtetik gorako atzerritarrak, legezko ordezkariak lagunduta.
14 urtetik beherakoen legezko ordezkariak.

Zenbatekoa

104,05 euro.

Eskatzeko baldintzak

Aurretiko hitzordua pertsonalki eskatzea Erregistro Zibilean, hiri honetan edo haren barruti judizialean erroldatuta egonez gero.

Eskakizunak

ETENIK GABEKO LEGEZKO BIZILEKUA:
Bi urte: herrialde iberoamerikarretako, Filipinetako, Andorrako, Portugalgo eta Ekuatore Gineako pertsonak eta jatorri sefardia duten pertsonak.
Bost urte: errefuxiatu izaera lortu duten pertsonak.
Hamar urte: gainerako herrialdeetako herritarrak.
Urte bat:
Espainiako lurraldean jaio diren pertsonak.
Aukera bidez espainiar herritartasuna eskuratzeko eskubidea behar bezala erabili ez zuten pertsonak.
Bi urtez jarraian Espainiako herritar edo erakunde baten tutoretza (tutore baten zaintzapean), zaintza edo harrerapean legez egon diren pertsonak, baita eskaera egiten den unean egoera horretan jarraitzen badute ere (legezko bizileku-aldia urte batera murrizteko aukera ematen duen harrera da lurralde bakoitzean adingabeak babesteko ardura duen erakunde publikoaren ebazpena duena, baita judizialki aitortutako harrera ere).
Eskaera egiten den unean espainiar batekin ezkonduta urte bat daramaten eta legez edo egitatez bananduta ez dauden pertsonak.
Espainiar baten alarguna, baldin eta ezkontidea hil zen unean ez bazeuden egitatez edo judizialki bananduta.
Espainiatik kanpo jaiotako pertsona, aita edo ama (horiek ere Espainiatik kanpo jaioak), aitona edo amona jatorriz espainiarrak dituena.
Interesdunak gizalegezko jokabide ona eta Espainiako gizartean behar adinako integrazio-maila egiaztatu behar ditu.

Aurkeztu beharreko agiriak

Kontsultatu erakundean zer dokumentazio aurkeztu behar den eskatzailearen egoeraren arabera.

Araudia

Kode Zibila, Erregistro Zibileko Legea eta Erregelamendua.

Interneteko helbidea

• https://www.mjusticia.gob.es/es/ciudadania/tramite?k=solicitud-nacionalidad-residencia-presencial
• Justizia Ministerioa

Honekin lotutako informazioa

• Espainiako Nortasun Agiria (NAN) eta Pasaporteak Bideratzeko Bulegoa

Organo kudeatzailea

Erregistro Zibila

OHARRA: Iruñeko Udala ez da beste erakunde batzuei buruzko datuen erantzule.