Zer da?

Pasabide-lizentziarako zintarria beheratzeko baimena eskatzea.

Nork egiten ahal du izapidea?

Edozein pertsona fisiko edo juridikok.

Zenbatekoa

ZANGA-LIZENTZIAREN TASA: metro-kopurua autolikidazioan adierazitako tarifaz biderkatzearen emaitza.
ICIO: Eraikuntzen, instalazioen eta obren gaineko zerga: obraren aurrekontuaren ehunekoa (autolikidazioan adierazitakoa), BEZa, industria-irabazia eta teknikariaren ordainsariak barne hartu gabe.
Pasabide-lizentziarako zintarria beheratzeko lizentzia fidantza ordaintzetik salbuetsita dago.
Zenbateko hori Gordailuzaintzako bulegoetan zein webgunearen bidez ordain daiteke.

Eskatzeko baldintzak

Pasabide-lizentzia eskatu baino lehen edo eskatzearekin batera.

Aurkeztu beharreko agiriak

«Pasabide-lizentziarako zintarria beheratzeko eskaera» inprimakia, behar bezala beteta (webgunean eskuragarri).
Pasabide-lizentzia eskatzeko arrazoiaren azalpen laburra.
Kokaleku-planoa.
Obraren aurrekontua.
Merkataritza-lokalen edo eraikin berrien kasuan, obra-lizentziaren edo lokala irekitzeko lizentziaren kopia ere aurkeztuko da.
Zanga-lizentziarako AUTOLIKIDAZIOA, eskatzailearen izenean behar bezala beteta, ordainketaren egiaztagiriarekin batera (webgunean eskuragarri).

Agiriak formatu digitalean aurkeztu behar dira.

Administrazio Prozedura Erkidea eta Araubide Juridiko Elektronikoa arautzen dituen Ordenantzaren 42. artikuluaren arabera behartuta daudenek (pertsona juridikoek, nortasun juridikorik gabeko entitateek, profesionalek, besteak beste), erregistro elektronikoaren bidez.

Unitate izapidegileak beretzat gordetzen du beste edozein agiri-mota osagarri eskatzeko aukera, izapidea zuzen kudeatze aldera.

Argibide gehiago

ZERBITZU-EMAILEEN ERREKURTSOAK: Udalak emandako egintza administratiboen aurka, errekurtso hauek aurkez daitezke, aukeran:
Berraztertze-errekurtsoa, Udalari berari zuzendua, egintza jakinarazten denetik hilabeteko epean.
Gora jotzeko errekurtsoa, Nafarroako Administrazio Auzitegiari zuzendua, egintza jakinarazten denetik hilabeteko epean.
Administrazioarekiko auzi-errekurtsoa, Nafarroako Justizia Auzitegi Nagusiari zuzendua, egintza jakinarazten denetik bi hilabeteko epean.
ZERBITZU-HARTZAILEEN ERREKURTSOAK: Erreklamazioa aurkeztu ahal izango diote Nafarroako Gobernuari edo Kontsumoko Arbitraje Batzordeari, zerbitzu-emailea sistema horri atxikita badago. Halaber, kontsumitzaile-elkarteetara ere jo ahal izango dute.
ZERBITZU-EMAILEENDAKO LAGUNTZA-ELKARTEAK: Zerbitzu-emaileak laguntza eskatu ahal izango die enpresa-erakundeei edo Merkataritza Ganberari.

Araudia

Urbanizazioari buruzko Ordenantza Orokorra (BOE, 84/11/23koa).
Iruñeko hiriko Trafikoari buruzko Udal Ordenantza (BON, 2009/5/4koa).
23/2011 Foru Dekretua, martxoaren 28koa, eraikuntza- eta eraispen-hondakinen ekoizpena eta kudeaketa arautzen dituena.
Segurtasunaren eta Osasunaren eta Laneko Arriskuen Prebentzioaren arloan indarrean dagoen araudia.
2026ko 3. ordenantza fiskala.

LEGEZKO TRAMITAZIO-EPEA: 72 ordu.
AURREIKUSITAKO EPEA: bi aste. Hilabete eta erdi, obra handien kasuan.
ADMINISTRAZIO-ISILTASUNA: ezezkoa.
EBAZPENA: Alorreko Zinegotzigo Ordezkaria.

Honekin lotutako informazioa

• Iruñeko Udaleko Gobernu Estrategikoko, Hirigintzako, Etxebizitzako eta 2030 Agendako Alorra - Hirigintza eta Etxebizitza
• Iruñeko Udaleko Lizentzien Departamentua

Erakunde kudeatzaileak

• Iruñeko Udaleko Lizentzien Departamentua
• Iruñeko Udaleko Gobernu Estrategikoko, Hirigintzako, Etxebizitzako eta 2030 Agendako Alorra - Hirigintza eta Etxebizitza
• Iruñeko Udaleko Proiektu Estrategikoetako eta Mugikortasuneko Alorra

Lotutako agiriak

• Impreso de Solicitud - Castellano (92,41 Kb)
• Impreso de Solicitud - Euskera (89,55 Kb)